Um Minute D'silencie

Bô t'ma kaminho di strela
Bô dixa mundo di dôr
Bô uni pa sempre, bôs capela
Bô konvertê-m num sofredor
Bô inganam nakel dia
K'bô doc' melodia
Bô dam consolaçon
Cá um m'argui n'otro dia
Mi chei d'alrgria
Um bá t'mâ bô bençon
Foi un spont grand
Kond ês d'zême
Ki bô bai sem despedi
Bô t'xam sô recorfaçon!

Bô era kirid
Bô era conxid
Sima un grand strela luminôze
La na ceu
Era un certeza na bô
Sabura d'festa na bô mõn
Nâ som d'Mimosa
Bô instrumente k'bô âma txêu
Ta na nha ideia
Kej nôte d'lua xeia
Kêl serenata, d lar em lar

Inda um t'uví na janela
Kêl sôm tão doc' d bô violão
Kêl choradinha na nôte d'luar e Strela
Min um kâ k'krê sêi d'êss ilusão
Inda un t'oia bô imagem
Ta t'xiga di viagem
Kansode ma tude kontente
Depôs d'um grand nôte d'arcada
As vezes sem ganhâ nada
Sô p'alegrâ tude gente
Mi um kâ tâ lembrâ
D ter ovide bô d'zê k'mâ não
Sô um tâ lembrâ bô paixão

Kond pâ casamente
Na sõm d'bô violino
Kompanhode pâ viola
Kavakinh ma violão
Noiva tâ t'xorâ, junte ma mimosa
Debox d'barulh d'foguête
Debox d'murmur d'multidão
Sonts era bô nome
Bô dom bô dixame
Um tâ lembrode pâ iternidad
Sonts era bô nome
K'inda t'alimentam
Pâ bo memória um tâ pedi
Um minute d'silencie!