Subi Cutelo (feat. Michel Montrond)

Transera i batunenti
Sinenti pokentada
Manxe riba kutelu
Ta koboi ta karkuti
Subi bu kuskus
Sima bira burunfadu
Ratxa txon bu kamba
Té txigá na purgatóriu

Min ka di bu roda
Ki fari di bu gazádju
Bu ta moré frontadu
Kumi na boka'l tan
Ba tumá bu pinguinha
Ké kel ké bu disgrasa
Ma ramo ku dixema
Bu bafa ku kakarata

Ya minina, ya minina
Ya minin, bu tolera sta pa dimas
Ya minina, ya minina
Ya minin, bu tolera sta pa dimas

Ai koxa di Espanha
Alá pé di patusina
Sima kabra sidja
Na sol ku bentu lesti
Alá bóka pindradu
Di bóka trabesadu
Fucin di benta largu
Nen ka bali munfina

Koitadu sen kaprixu
Me tiston ka ten troku
Bujon di pe sapadu
Ka ta serta fogueira
Sen klasi, sen postura
Sen fama i sen pataku
Sin sinhor pe di galu
Kruz kredu, lebu suju

Ya minina, ya minina
Ya minin, bu tolera sta pa dimas
Ya minina, ya minina
Ya minin, bu tolera sta pa dimas

Ala kusa mofinu
Sima papa djutu
Ai gatu bu é rodjenta
Ku bixona di madom
Ala duedu di kan
Ka nada i bambirin
Uai, mula manhenti
Ki ta dexam ngatxa

Nho lembedor di bóta
Nho xefi di skubriru
Ratorku malguetadu
Na koltxon di panásku
Alá fidju di praga
Di kurpa ku pekadu
Kel ku bo ko mofadu
Tem bafu di mindrozu

Ya minina, ya minina
Ya minin, bu tolera sta pa dimas
Ya minina, ya minina
Ya minin, bu tolera sta pa dimas

Prigoza, papiadera
Nganadu ki bu sta
Mi ké bizaru dodu
Mi ké rapa mulatu
Di kabélu e kexada
Perdedu i morgadu
Di sorti ku furtuna

Ah ko xa fronta grasa
Ku bóka raganhadu
Ku denti bem kaskadu
Ta ri ta kai di kósta
É ka si, é ka si nada
Pensa dretu na pasadu
Lembra bem di bu parenti
Na kintal di guentis branku

Mi ké galu di Piku
Ké bódi na musteru
Invejozu ku nodjénta
Bá pinta ses kabésa!

Hu-hu-hum, ka tem réza ku tersu
Na Santu nho fandingo
Ka tem róstu tumbadu
Ki ta mudam nha sórti

Ya minina, ya minina
Ya minin, bu tolera sta pa dimas
Ya minina, ya minina
Ya minin, bu tolera sta pa dimas