Hymnus Peregrinorum Dum Pater Familias

Dum pater familias
Rex universorum
Donaret provincias
Ius apostolorum
Iacobus Yspanias
Lux illustrat morum

Primus ex apostolis
Martir Ierosolimis
Iacobus egregio
Sacer est martyrio

Iacobi Gallecia
Opem rogat piam
Plebe cuius gloria
Dat insignem viam
Ut precum frequentia
Cantet melodiam

" Herru Sanctiagu
Grot Sanctiagu
E ultreya e suseya
Deus aia nos "

Primus ex apostolis
Martir Ierosolimis
Iacobus egregio
Sacer est martyrio

Iacobo dat parium
Omnis mundus gratis
Ob cuius remedium
Miles pietatis
Cunctorum presidium
Est ad vota satis

Primus ex apostolis
Martir Ierosolimis
Iacobus egregio
Sacer est martyrio

Iacobum miraculis
Que fiunt per illum
Arctis in periculis
Acclamet ad illum
Quiquis solvi vinculis
Sperat propter illum

Primus ex apostolis
Martir Ierosolimis
Iacobus egregio
Sacer est martyrio

O beate Iacobe
Virtus nostra vere
Nobis hostes remove
Tuos ac tuere
Ac devotos adibe
Nos tibi placere

Primus ex apostolis
Martir Ierosolimis
Iacobus egregio
Sacer est martyrio

Iacobo propicio
Veniam speremus
Et quas ex obsequio
Merito debemus
Patri tam eximio
Dignas laudes demus

Primus ex apostolis
Martir Ierosolimis
Iacobus egregio
Sacer est martyrio